Amaroq Mineral suliffeqarfiuvoq aatsitassanik ujaasisartoq qalluisartorlu Kujataani nunami saffiugassanik pinngitsoorneqarsinnaanngitsunik atorfissaqarluartunillu peqarluartumi ingerlataqartoq. Ingerlatarput pingaarneq tassaavoq tamakkiisumik pigisarput Kuultisiorfik Nalunaq, 2024-mi tunisassiorluni aallartittoq.
Misissueqqaarfivut tassaapput Kanngussaqarfik Sava, Kuulteqarfik Nanortalik kiisalu Gardarip eqqaata Aatsitassaqarfia.

Amaroq Ltd.ip periusissai tassaapput:

1. Nalunami tunisassiornerup alliartortinneratigut sivikinnerpaamik akimmiffeqannginnerpaamillu aningaasanik kaaviiaartitsineq
2. Nalunami aningaasanik kaaviiaartitsinikkut Kalaallit Nunaanni kuultisiornermi pinngitsoorneqarsinnaanngitsunillu aatsitassarsiornermi periarfissat nammineq aningaasalersorneqassapput.
3. Kalaallit Nunaanni aatsitassarsiornerup annertusiartornerani nunarsuarmi atortorissaarutit atortullu isumaminnik ingerlasut pitsaanerpaat iluaqutiginiassallugit.
4. Nunat avannarliit aatsitassaqarfii peqarluartut pinngortitamiillu nukissiutit siuarsimasut atorluassallugit.

Amaqqup ingerlatamini qitiusumik toqqamavii:

Makku toqqammavigiuarpavut:

• Najugaqarfinni ingerlatsivigisatsinnut kiisalu Kalaallit Nunaannut tamarmut iluaqutissiuinikkut akisussaassusilimmik aatsitassarsiorneq,
• Peqqissutsimut Isumannaallisaanermullu piumasaqaatit sukanganerpaat malilluarnerisigut ajutoorfiusinnaasunik nakkutilliineq
• Atortorissaarutit nutaaliaanerpaat misissortassallugit ingerlatsineq piujuartitsiviunerpaasoq angujumallugu
• Piginneqatitsinnut nalilinnik tunisissalluta kuultik akugissumik aatitassanillu pinngitsoorneqarsinnaanngitsunik allanik ineriartortitsisarnitsigut

Immikkut piginnaaneqarnerput, nunamik suliffigisatsinnik ilisimaarinnilluarnerput kiisalu siulliulluta Kalaallit Nunaannut sivisuumik atuuttussamik iluaqutissiuisuunerput nukitoqutigaavut.